Gyumri.am — Visit Gyumri

Ketik Marketing Agency-ն իրականացնում է Visit Gyumri էջի սոցիալական մեդիայի առաջխաղացումը։

Visit Gyumri-ն զբոսաշրջային ուղղվածություն ունեցող հարթակ է, որը հիանալի հնարավորություն է ստեղծում Գյումրին ավելի ճանաչելի դարձնելու թե՛ տեղացի, թե՛ արտասահմանցի զբոսաշրջիկների համար։

Մեր աշխատանքի ընթացքում կենտրոնանում ենք Գյումրու իրական մթնոլորտը ներկայացնելու վրա՝ քաղաքի պատմական փողոցները, հին ու նոր վայրերը, մշակույթը, համերը, հումորը, ջերմ մարդկանց և այն յուրահատուկ էներգիան, որի շնորհիվ մարդիկ սիրահարվում են Գյումրուն։

Visit Gyumri-ի միջոցով մենք ցանկանում ենք զբոսաշրջիկներին ցույց տալ, որ Գյումրին պարզապես քաղաք չէ, այլ ամբողջական փորձառություն։ Այստեղ այցելուները կարող են շրջել հմայիչ փողոցներով, բացահայտել քաղաքի պատմությունը, համտեսել տեղական ուտեստներ, այցելել հետաքրքիր վայրեր և զգալ քաղաքի անկեղծ ջերմությունը։

Սոցիալական մեդիայի միջոցով էջը դառնում է օգտակար ուղեցույց զբոսաշրջիկների համար՝ օգնելով հեշտությամբ գտնել Գյումրիում այցելելու վայրեր, ժամանցի տարբերակներ, հասցեներ և քաղաքի հետ կապված հետաքրքիր պատմություններ։

Մեզ համար սա կարևոր և հետաքրքիր նախագիծ է, քանի որ Visit Gyumri-ն հնարավորություն է տալիս ոչ միայն առաջխաղացնել էջը, այլև ներկայացնել Գյումրին այնպիսին, ինչպիսին այն իրականում կա՝ ջերմ, գունեղ, հյուրընկալ և հիշվող։